<?xml version="1.0" encoding="UTF-8"?><song><lyrics>[V1]
 Ʋbanumpa hanta kʋt mihintishke;
.    
     Ik pim ʋlhtaiyaha pullʋt,
 Pi̱ Mi̱ko Chisʋs holitopa yoka
.    
     Il ai okcha̱ya pullashke.

[V2]
 Chisʋs pi̱ Mi̱ko ʋt pi̱ hullo hocha
.    
     Ant pi ʋlhtobʋt illi tok;
 Yohmit im issish holitopa yʋno
.    
     Ant hʋpihi̱ma tok oke.

[V3]
 Chisʋs ʋt pi nukha̱klo fehna hoke;
.    
     Hatak e moyuma hokʋt
 Pi okcha̱yʋt bilia he mak ona,
.    
     Pi ʋlhtoba hosh illi tok

[V4]
 Yʋmohmi tok osh pi̱ Mi̱ko Chisʋs ʋt
.    
     Auet hʋpi hoho̱yoshke;
 A̱hli, ahnit himak nitak fehna ka
.    
     Im anumpa keho haklo.

[V5]
 Himak a̱ ik hʋpi nuktaiyala cha
.    
     Hatak eho moyuma kʋt,
 Chisʋs atihi̱ya tok pulla hona
.    
     Il iakaiya pullashke.

[V6]
 Ʋno sa fehna hokʋto, Chisʋs a̱
.    
     Halʋlli li fehna hocha,
 Yahni ilʋppa issa hosh ʋba ya̱
.    
     A̱ya ka sa bʋnna hoke.

[V7]
 A̱ki pulla ʋba binili hocha
.    
     Auet sa hoho̱yo hoka,
 Aholitopa yoka taloho̱wʋt,
.    
     Iba chukowa la chi̱shke.</lyrics>
<title>Ʋbanumpa hanta kʋt mihintishke ƲIT12</title>
<time_sig>11.8.11.8.</time_sig>
<hymn_number>12</hymn_number>
<author>Alfred Wright</author>
</song>